De conformidade co previsto no artigo 87 da Lei de cooperativas de Galicia, comunícase que a cooperativa O Combarro, Sociedade Cooperativa Galega de Vivendas, inscrita no Rexistro de Cooperativas da Coruña co número 1277-C, acordou a súa disolución mediante acordo adoptado na asemblea xeral que tivo lugar o día 18 de xullo de 2012. O acordo foi adoptado por maioría e polas causas previstas nos artigos 86.c) e 120.3 da Lei de cooperativas de Galicia. Faise constar que se cumpriron os requisitos legais e estatutarios establecidos para a convocatoria da asemblea e para a adopción de acordos.
Santiago de Compostela, 19 de setembro de 2012
Ramón Ares Silvalde
Presidente