O Pleno municipal, en sesión que tivo lugar o día 6 de agosto de 2012, adoptou, entre outros, o seguinte acordo:
Primeiro. Cambiar o uso previsto no documento do Plan xeral para a parcela municipal correspondente ao Mercado Municipal de Elviña, do CO (Pb) actual, á de equipamento de continxencia XX (Pb), mantendo a súa titularidade pública.
Segundo. Publicar o presente acordo no Boletín Oficial da provincia da Coruña e no Diario Oficial de Galicia.
Terceiro. Notificar o presente acordo á Consellería de Medio Ambiente, Territorio e Infraestruturas, e aos departamentos municipais de Xestión do Solo, Licenzas e Disciplina Urbanística, Sección de Patrimonio Urbanístico, así como á Oficina do XIS municipal.
Este acordo pon fin á vía administrativa, podéndose interpor contra este recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, contado a partir do día seguinte a aquel no que se practique a súa publicación no Diario Oficial de Galicia ou no Boletín Oficial da provincia da Coruña ou, se é o caso, da súa notificación a quen decida o pleno municipal, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se estime pertinente.
A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas o día 4 de setembro de 2012.
A Coruña, 7 de setembro de 2012
César de Jesús Otero Grille
Director de Urbanismo