O 20 de febreiro de 2008 concedeuse a Ferroatlántica, S.A. a autorización ambiental integrada número 2006/0070_NAA/IPPC_036 para a fábrica de ferroaliaxes, localizada no concello de Cee (A Coruña). Nesta autorización establécese unha vixencia de cinco anos, contados a partir do día seguinte ao da súa notificación á titular.
O artigo 25 da Lei 16/2002, do 1 de xullo, de prevención e control integrados da contaminación, estipula que transcorrido o prazo de vixencia da autorización esta debe ser renovada e, se é o caso, actualizada. Atendendo ao indicado, e para os efectos previstos no artigo 7.2 do Real decreto 509/2007, do 20 de abril, polo que se aproba o Regulamento para o desenvolvemento e execución da Lei 16/2002, faise público que durante o prazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedará exposta a documentación presentada pola solicitante para a renovación da autorización ambiental integrada, constituída polos documentos titulados:
– Ferroatlántica. Documento técnico para renovación de autorización ambiental integrada. Fábrica de Cee. Rev. 1, setembro 2012.
– Ferroatlántica. Resumo non técnico para renovación de autorización ambiental integrada. Fábrica de Cee. Rev. 1, setembro 2012.
Co fin de que calquera interesado poida consultalo e, se é o caso, formular no dito prazo as alegacións, suxestións ou observacións que considere convenientes. O antedito documento estará á disposición dos administrados, en horario de atención ao público, nas seguintes dependencias:
– Secretaría Xeral de Calidade e Avaliación Ambiental – Servizo de Prevención e Control Integrados da Contaminación (San Lázaro, s/n, 15781 Santiago de Compostela).
– Xefatura Territorial da Coruña da Consellería de Medio Ambiente, Territorio e Infraestruturas (rúa Vicente Ferrer, 2, 15008 A Coruña).
– Concello de Cee (rúa Domingo Antonio de Andrade, s/n, 15270 Cee. A Coruña).
Santiago de Compostela, 9 de outubro de 2012
Justo de Benito Basanta
Secretario xeral de Calidade e Avaliación Ambiental