No Xulgado do Contencioso-Administrativo número 2 de Santiago de Compostela tramítase o recurso 359/2012 (procedemento abreviado), interposto por María Josefa Méndez Jáñez contra a Resolución do 30 de abril, da Dirección de Recursos Humanos do Servizo Galego de Saúde, pola que se publican as listas definitivas de admitidos/as e excluídos/as e se procede a publicar os resultados provisionais de baremación dos/as aspirantes admitidos/as co seu número de orde, con respecto á convocatoria de inscrición de aspirantes para vinculacións temporais en diversas categorías sanitarias de formación profesional no ámbito das institucións sanitarias do Servizo Galego de Saúde e entidades adscritas á Consellería de Sanidade (DOG nº 92, do 15 de maio de 2012). (Categoría: técnico/a superior en Hixiene Bucodental).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 26 de setembro de 2012

Esperanza Fernández Lago
Directora de Recursos Humanos