Diego Roca Mourín, en representación de Vestas Nacelles Spain, S.A.U. solicitou desta alcaldía licenza municipal para a ampliación da actividade de ensamblaxe de aeroxeradores na planta construída no lugar de Calvoso, Chavín, Concello de Viveiro. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese o expediente a información pública por un período de vinte días hábiles –que comezará a contarse desde o día seguinte ao da inserción do presente edicto no Diario Oficial de Galicia e no Boletín Oficial da provincia– así como exposición no taboleiro de anuncios do concello co fin de que durante o mesmo as persoas que dalgunha maneira se consideren afectadas pola actividade que se pretende instalar poidan examinar o expediente, no Departamento de Urbanismo deste concello, e formular por escrito as reclamacións ou observacións que xulguen oportunas.

Viveiro, 10 de outubro de 2012

Melchor Roel Rivas
Alcalde