Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Electra Alto Miño, S.A.
Domicilio social: Polígono Industrial Chan da Ponte-Parcela 19, 36450 Salvaterra de Miño.
Denominación: LMTA/S, CT e RBT Fiolledo-A Salgosa.
Situación: Salvaterra de Miño.
Características técnicas: LMT aérea a 20 kV con condutor LA-56 de 94 metros de lonxitude, con orixe no apoio 8 da LMT Fiolledo-Corzáns e final no apoio proxectado C-4500/22 L-3, do cal continúa subterránea con condutor RHZ1 425 metros e finaliza no CT proxectado. Centro de transformación de 100 kVA, RT 20 kV/230-420 V, situado no lugar da Salgosa, Fiolledo, Salvaterra de Miño. Redes de baixa tensión aéreo-subterráneas cunha lonxitude total de 790 metros.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43-5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 12 de setembro de 2012
Ignacio Rial Santomé
Xefe territorial de Pontevedra