Juan Carlos Rodríguez Landeira, en representación de Gandeiría Cornes, S.C., solicitou desta alcaldía licenza municipal para ampliación da estabulación libre de gando vacún leiteiro e construción de silo forraxeiro, en Cornes (Vilariño). En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte (20) días hábiles, co fin de que durante este prazo –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia–, poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que xulguen oportunas.
Val do Dubra, 20 de setembro de 2012
Ramón Camilo Varela Mariño
Alcalde