A Real Academia Galega de Belas Artes de Nosa Señora do Rosario anuncia a provisión de dúas vacantes de académico de número, unha na Sección de Arqueoloxía e Museoloxía e outra na Sección de Artes da Imaxe. Para ocupar unha destas prazas será elixida unha persoa residente en Galicia que dese a coñecer o seu mérito con obras orixinais da arte que profese ou con estudos sobre a especialidade.
Anúnciase tamén a provisión de tres vacantes de académico correspondente, ás cales se poden presentar persoas que, calquera que sexa a súa residencia, sexan acreedoras desta distinción, polo mérito dos seus traballos artísticos ou de investigación, ou sexan obxecto dun intercambio con outras academias, valorándose, en todo caso, a súa vinculación con Galicia.
As persoas que polas súas actividades en prol das artes se consideren en posesión das condicións exixidas para aspirar a estas prazas, deberán acreditar os seus méritos mediante presentación do seu respectivo curriculum vitae, e terán que ser propostas, cada unha delas, por tres académicos de número, dentro do prazo dun mes a partir da publicación deste anuncio.
Enderezo da Academia: praza do Pintor Sotomayor, s/n, 15001 A Coruña.
A Coruña, 3 de febreiro de 2012
María de las Mercedes Goicoa Fernández
Presidenta