O Pleno da Corporación municipal, en sesión que tivo lugar o 29 de decembro de 2011, acordou aprobar definitivamente a modificación puntual do Plan parcial que desenvolve o polígono P6 de Trabanca Badiña para regular os usos admisibles, redactado polo equipo técnico da Xerencia de Urbanismo do Concello de Vilagarcía de Arousa.
De conformidade co establecido no artigo 92.2 da Lei 9/2002, de ordenación urbanística e protección do medio rural de Galicia (modificada pola Lei 15/2004, Lei 6/2008, Lei 18/2008, Lei 2/2010 e Lei 15/2010), o acordo de aprobación definitiva publícase no Diario Oficial de Galicia e o documento que conteña a normativa e as ordenanzas, no Boletín Oficial da provincia de Pontevedra.
Así mesmo, o 25 de abril de 2012 remitiuse á Consellería de Medio Ambiente, Territorio e Infraestruturas unha copia autenticada do expediente administrativo de dous exemplares do instrumento aprobado definitivamente con todos os planos e documentos que a integran.
Vilagarcía de Arousa, 29 de agosto de 2012
Tomás Javier Fole Díaz
Alcalde