María Carmen Taboada Rey solicitou nesta alcaldía licenza municipal para ampliación de cebadeiro de porcino que se situará en Ruza-O Sisto. En cumprimento do disposto no artigo 8.1 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que xulguen oportunas.
Dozón, 12 de setembro de 2012
Adolfo Campos Panadeiros
Alcalde