O artigo 11 da Lei 4/2006, do 30 de xuño, de transparencia e de boas prácticas na Administración pública galega (Diario Oficial de Galicia nº 136, do 14 de xuño), impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Darlle publicidade á relación dos convenios subscritos pola Consellería de Medio Ambiente, Territorio e Infraestruturas no segundo cuadrimestre do ano 2012, que se incorpora como anexo a esta resolución.
Santiago de Compostela, 10 de setembro de 2012
José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas
ANEXO
Descrición |
Data sinatura |
Importe total |
Convenio marco de colaboración entre a Administración xeral da Comunidade Autónoma de Galicia e as entidades xestoras dos sistemas integrados de xestión (SIX) de residuos de pilas e acumuladores |
1.8.2012 |
0 |
Convenio-Addenda I ao acordo marco de coordinación entre o Instituto Enerxético de Galicia (Inega) e a Consellería de Medio Ambiente, Territorio e Infraestruturas para promover e potenciar o uso de enerxías renovables e a eficiencia enerxética no Parque Nacional das Illas Atlánticas |
27.7.2012 |
10.000,00 |
Convenio de colaboración entre a Consellería de Medio Ambiente, Territorio e Infraestruturas e a empresa Telvent Tráfico y Transporte, S.A., mediante o que se instrumentaliza a compensación á devandita empresa pola adaptación informática das canceladoras comercializadas por ela no marco do Plan de transporte metropolitano de Galicia na ATM de Lugo |
13.6.2012 |
17.971,04 |
Convenio de colaboración entre a Consellería de Medio Ambiente, Territorio e Infraestruturas e a empresa Olton, S.L., mediante o que se instrumentaliza a compensación á devandita empresa pola adaptación informática das canceladoras comercializadas por ela no marco do Plan de transporte metropolitano de Galicia na ATM de Lugo |
13.6.2012 |
13.500,00 |
Convenio de colaboración entre a Comunidade Autónoma de Galicia, a través da Consellería de Medio Ambiente, Territorio e Infraestruturas e da Consellería de Sanidade, da Xunta de Galicia, e Sigre Medicamento e Medio Ambiente, S.L., para o seguimento do sistema integrado de xestión de envases e residuos de envases de medicamentos e medicamentos usados en Galicia |
8.6.2012 |
0 |
Convenio entre a Consellería de Medio Ambiente, Territorio e Infraestruturas e o Concello da Coruña para o financiamento da redacción da revisión do Plan xeral de ordenación urbana do concello da Coruña |
8.6.2012 |
750.000,00 |
Convenio de colaboración entre a Consellería de Medio Ambiente, Territorio e Infraestruturas da Xunta de Galicia, o Concello de Lugo e a empresa Autobuses Urbanos de Lugo, S.A., como concesionaria do transporte urbano municipal, para a determinación das condicións de compensación tarifaria e obrigas asociadas a elas na área de transporte metropolitano de Lugo |
23.5.2012 |
0 |
Convenio de colaboración entre a Consellería de Medio Ambiente, Territorio e Infraestruturas e o Concello de Ribadeo, para a execución da primeira fase do Plan director de Rinlo en Ribadeo (urbanización e mellora do parque de Santa Catalina) |
21.5.2012 |
140.420,00 |
Convenio de colaboración entre a Consellería de Medio Ambiente, Territorio e Infraestruturas e o Concello de Santiago de Compostela para o fomento do transporte limpo no contorno urbano no ámbito da área de transporte metropolitano de Santiago de Compostela, financiado con fondos Feder no marco do Programa operativo Feder Galicia 2007-2013 |
4.5.2012 |
0 |
Addenda número 1 ao convenio entre a extinta Consellería de Política Territorial, Obras Públicas e Transportes e o Concello de Ourense para financiamento da redacción da revisión do Plan xeral de ordenación municipal do concello de Ourense |
30.4.2012 |
1.044.000,00 |