A Dirección Xeral da Función Pública recibiu da Sala do Contencioso-Administrativo do Tribunal Superior de Xustiza de Galicia providencia pola que se admite a trámite o recurso contencioso-administrativo P.O. 110/2012, interposto por María del Pilar Rivas Vara, contra a Resolución do 7 de decembro de 2011, da conselleira de Facenda, que desestima o recurso de alzada formulado contra a Resolución do 8 de xuño de 2011, que denega as alegacións formuladas fronte á Resolución do 30 de marzo de 2011 (DOG nº 69, do 7 de abril), do tribunal designado para cualificar o proceso selectivo de consolidación de emprego para o ingreso no corpo superior da Administración da Xunta de Galicia, subgrupo A1.

En consecuencia, esta dirección xeral acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que se notifica para xeral coñecemento de todas as persoas interesadas no procedemento e se emprazan para que poidan comparecer como parte nos autos na Sala do Contencioso-Administrativo do Tribunal Superior de Xustiza de Galicia no prazo de 9 (nove) días, contado desde o seguinte ao da publicación desta resolución no Diario Oficial de Galicia.

Santiago de Compostela, 5 de setembro de 2012

José María Barreiro Díaz
Director xeral da Función Pública