A Dirección Xeral da Función Pública recibiu da Sala do Contencioso-Administrativo do Tribunal Superior de Xustiza de Galicia providencia pola que se admite a trámite o recurso contencioso-administrativo P.O. 622/2011, interposto por Agustín Díaz Alonso, María Vanessa Montero Lortes, Xosé Daniel Piñeiro Villares, Ignacio Martín-Sonseca Prieto e María José Otero Vizcaíno, contra a Resolución do 11 de abril de 2011 pola que se ordena a publicación do Acordo do Consello da Xunta de Galicia do 10 de marzo de 2011, que aproba a relación de postos de traballo da Consellería de Medio Ambiente, Territorio e Infraestruturas (DOG nº 78, do 20 de abril).

En consecuencia, esta dirección xeral acordou, nesta data e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que se notifica para xeral coñecemento de todas as persoas interesadas no procedemento e se emprazan para que poidan comparecer como parte nos autos na Sala do Contencioso-Administrativo do Tribunal Superior de Xustiza de Galicia no prazo de nove (9) días, contados desde o seguinte ao da publicación desta resolución no Diario Oficial de Galicia.

Santiago de Compostela, 5 de setembro de 2012

José María Barreiro Díaz
Director xeral da Función Pública