O Consello Asesor do Sistema Público de Saúde de Galicia é un órgano non colexiado superior de consulta e asesoramento da Consellería de Sanidade.

A Orde do 25 de maio de 2005 pola que se regula a composición, organización e funcionamento do Consello Asesor do Sistema Sanitario de Galicia, modificada pola Orde do 6 de outubro de 2011, establece que os membros do consello serán nomeados polo titular da Consellería de Sanidade a título individual mediante orde.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e da súa Presidencia, modificada pola Lei 11/1988, do 20 de outubro, e a Orde do 25 de maio de 2005, modificada pola Orde do 6 de outubro de 2011,

DISPOÑO:

Artigo único

O nomeamento como vogal do Consello Asesor do Sistema Público de Saúde de Galicia de José Machuca Santa-Cruz.

Santiago de Compostela, 30 de agosto de 2012

Rocío Mosquera Álvarez
Conselleira de Sanidade