Aprobado o expediente de contratación que a continuación se identifica, mediante Resolución do 21 de agosto de 2012, procédese agora a efectuar o anuncio de licitación deste. Esta resolución constitúe un acto de trámite para os efectos do parágrafo primeiro do artigo 107 da Lei 30/1992, do 26 de novembro, de réxime xurídico das administracións públicas e do procedemento administrativo común.
1. Entidade adxudicadora:
a) Organismo: Presidencia da Xunta de Galicia.
b) Dependencia que tramita o expediente: Secretaría Xeral para o Deporte.
2. Obxecto do contrato:
a) Descrición do obxecto: contratación do servizo de transporte dos participantes no programa Xogade (curso 2012-2013).
b) Lugar de execución: nas condicións do prego de cláusulas administrativas particulares.
3. Prazo de execución: durante a duración do Programa Xogade (9 meses), organizado pola Secretaría Xeral para o Deporte, durante o curso 2012-2013.
4. Tramitación, procedemento e forma de adxudicación:
a) Tramitación: ordinaria.
b) Procedemento: aberto harmonizado.
5. Orzamento base de licitación:
Importe sen impostos: 448.958,00 €.
Impostos: 35.916,64 €.
Importe total: 484.874,64 €, impostos engadidos e de conformidade coa seguinte distribución por anualidades:
Ano 2012: 43.200,00 €.
Ano 2013: 441.674,64 €.
6. Garantías:
a) Garantía provisional: non se exixe, de acordo co artigo 103 do TRLCSP.
b) Garantía definitiva: cinco por cento (5 %) do importe de adxudicación, impostos excluídos.
6. Obtención de documentación e información:
No Servizo de Contratación e Xestión Económica da Secretaría Xeral para o Deporte (Estadio Multiusos de San Lázaro, s/n, porta 4, 15781 Santiago de Compostela. Teléfono: 981 54 26 23. Fax: 981 54 26 39).
Os pregos de cláusulas administrativas particulares e prescricións técnicas a que se refire o parágrafo anterior poderán ser consultados tamén na rede da internet:
(www.contratosdegalicia.es/resultado.jsp?N=17945).
Requisitos específicos do contratista:
a) Clasificación, se é o caso: non se exixe.
b) Solvencia económica e financeira e solvencia técnica e profesional: a acreditación efectuarase mediante a presentación dos documentos sinalados no prego de cláusulas administrativas particulares.
7. Presentación de ofertas:
a) Data límite de presentación: 1 de outubro de 2012, ás 14.00 horas.
b) Documentación que hai que presentar: a requirida polo prego de cláusulas administrativas particulares.
Os contratistas que se atopen inscritos no Rexistro Xeral de Contratistas da Comunidade Autónoma e así o fagan constar na carátula do sobre «A» (documentación administrativa) quedarán exonerados de presentar a documentación a que se refire o artigo 5 da Orde do 23 de outubro de 1995 (DOG do 10 de novembro).
c) Lugar de presentación:
No Rexistro Público da Secretaría Xeral para o Deporte (Estadio Multiusos. San Lázaro, s/n, porta 4. 15781 Santiago de Compostela. Fax: 981 54 26 39). Tamén poden ser enviados por correo dentro do prazo de admisión.
8. Apertura de ofertas:
a) Entidade: Secretaría Xeral para o Deporte.
b) Dirección: Estadio Multiusos San Lázaro, s/n, porta 4, 15781.
c) Localidade: Santiago de Compostela.
d) Data: 11 de outubro de 2012.
e) Hora: 10.00 horas.
9. Outras informacións:
A mesa de contratación comprobará no acto previo a documentación do sobre A e publicará no taboleiro de anuncios dos servizos centrais da Secretaría Xeral para o Deporte o resultado de apertura, para que se emenden, se é o caso e dentro do prazo que se indique, os defectos materiais observados na devandita documentación.
10. Gastos do anuncio:
Os gastos do anuncio que orixine a publicación, por unha soa vez, do anuncio desta licitación nos correspondentes diarios e boletíns oficiais serán por conta do adxudicatario do contrato, sen que se poida imputar á Administración contratante ningún pagamento por tal concepto. O importe estimado máximo é o seguinte:
Custo do Diario Oficial de la Unión Europea (DOUE): gratuíto.
Custo do Boletín Oficial del Estado (BOE):
Taxa/liña de título: 13,82 €.
Taxa/liña de texto: 15,35 €.
Custo do Diario Oficial de Galicia (DOG): 5,42 € por liña publicada.
11. Data de envío do anuncio ao Diario Oficial de la Unión Europea (DOUE):
22 de agosto de 2012.
Santiago de Compostela, 22 de agosto de 2012
Por desconcentración (Decreto 325/2009)
José Ramón Lete Lasa
Secretario xeral para o Deporte