O subdirector da Axencia de Protección da Legalidade Urbanística, por substitución da directora, ditou, o 2 de agosto de 2012, resolución pola que se desestima o recurso potestativo de reposición interposto por Celeste Carreira Pérez, en nome e representación de Gregorio Montes Caínzos, Amparo Pena Balsa e Mario Morado Torres, contra a Resolución do 14 de novembro de 2011, da directora da Axencia de Protección da Legalidade Urbanística, en relación coa legalización da apertura dun camiño levada a cabo no lugar de Malló de Xiá, no termo municipal de Guitiriz.
Ao non poderse realizar a notificación persoal daquela resolución aos interesados, en calidade de denunciantes, mediante esta cédula, e ao abeiro do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), notifícaselles aos interesados a devandita resolución.
Tendo en conta que, en atención ao previsto no artigo 61 da LRXPAC, o acto non se publica na súa integridade, comunícase aos interesados que o texto íntegro da resolución que se notifica está ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo a notificación entenderase producida.
Contra a devandita resolución, que é definitiva en vía administrativa, os interesados poden interpoñer recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.
Para que conste e lles sirva de notificación aos citados interesados en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 23 de agosto de 2012
José María Domínguez Blanco
Subdirector da Axencia de Protección da Legalidade Urbanística
