Visto o expediente para outorgamento de autorización administrativa e aprobación do proxecto de execución da instalación eléctrica:
Solicitante: Unión Fenosa Distribución, S.A..
Domicilio social: A Batundeira, 2, 32960 Velle.
Denominación: recuamento apoio 29, CEL804.
Situación: Celanova.
Características técnicas:
LMT aéreo-subterránea a 20 kV de 94 m en aéreo con condutor LA 110/116,2 mm2 e 40 en subterráneo, con condutor RHZ1 e orixe na LMT CEL804 A Manchica, 4, e remate na LMT ao CT Coutada (32CG54).
Orzamento: 16.747,87 euros.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial, resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpor calquera outro recurso que considere pertinente.
Ourense, 10 de agosto de 2012
P.S.L. (Decreto 324/2009, do 11 de xuño)
A. Tomás Paz Doniz
Xefe do Servizo de Administración Industrial