Josefa Rego Blanco solicitou licenza municipal sometida a avaliación de incidencia ambiental, de conformidade co Decreto 133/2008, do 12 de xuño.
A actividade para a cal solicita licenza identifícase co rexistro de entrada número 2984/2012, para construción de balsa de xurro en explotación gandeira existente, segundo proxecto técnico asinado pola enxeñeira técnica agrícola, Eva Mª Goas Anido, no lugar de Saa-parroquia de Labrada, polígono 187, parcela 16, concello de Guitiriz.
De acordo co disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública polo período de vinte (20) días hábiles, co fin de que durante este –que comezará a contarse desde o día seguinte ao da inserción deste edicto no Boletín Oficial da provincia e no Diario Oficial de Galicia– poidan examinar o expediente, na Secretaría Xeral, as persoas que dalgún xeito se consideren afectadas polas actividades que se pretendan instalar e formular por escrito as reclamacións ou observacións que xulguen oportunas.
O prazo de exposición pública computarase desde a última das publicacións oficiais sinaladas.
Guitiriz, 28 de agosto de 2012
Xosé María Teixido Núñez
Alcalde