Por resolución da Tenencia de Alcaldía Delegada de Persoal, por delegación da Xunta de Goberno Local, do 30 de xullo de 2012, resolveuse o seguinte:

Primeiro. A convocatoria pública para a provisión, polo sistema de libre designación, de postos de traballo vacantes neste concello, aprobada por Resolución da Concellaría Delegada de Persoal do 5 de marzo de 2012 (DOG nº 93, do 16 de maio).

Segundo. Adxudicarlles ás persoas que se relacionan a seguir o posto de traballo que se indica, de conformidade coa relación de postos de traballo aprobada por Acordo da Xunta de Goberno Local do 18 de decembro de 2009 e coas características que se describen na seguinte táboa:

Terceiro. Os nomeamentos expresados producirán efectos a partir da data de toma de posesión do posto de traballo obxecto da presente convocatoria.

O cesamento no destino actual do persoal que obtivo praza producirase no prazo de tres días hábiles, contados a partir do seguinte ao da data de publicación desta resolución no Diario Oficial de Galicia.

O prazo para a toma de posesión do novo destino será de tres días hábiles a partir do seguinte ao do cesamento, de tratarse da mesma localidade onde actualmente o persoal preste servizos, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo.

O cómputo de prazos de posesión iniciarase cando se finalicen os permisos ou as licenzas, que, se é o caso, fosen concedidas ao citado persoal. Nos supostos de baixa temporal ou transitoria iniciarase a partir da correspondente alta.

Cuarto. Notifíquese a presente resolución ás persoas interesadas, ás direccións das respectivas áreas, así como ás concellarías das áreas a que están adscritos os postos convocados.

A Coruña, 3 de agosto de 2012

Martín González Rodríguez
Director de Facenda e Administración Pública