En cumprimento do disposto no punto 3º do artigo 8 do Decreto 133/2008, do 12 de xuño, polo que se regula a avaliación de incidencia ambiental, se somete a información pública o expediente nº 2011/711, tramitado por instancia de Nieto da Costa, S.L., para a concesión de licenza de apertura e funcionamento de nave industrial para planta de tratamento e selección de metais, que se instalará na parcela D-3 do parque empresarial de Mos-Veigadaña, na parroquia de Petelos deste municipio. Durante o prazo de vinte días, contados a partir do seguinte ao da última publicación deste edicto no Boletín Oficial da provincia e Diario Oficial de Galicia, o expediente encóntrase á disposición do público nas oficinas municipais co fin de que, quen se considere afectado pola actividade, poida examinalo e deducir, se é o caso, as alegacións e observacións que teñan por conveniente.

Mos, 23 de xullo de 2012

Julia Loureiro Campo
Concelleira delegada de Urbanismo