Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: proxecto de LMTS. Ordenación SMR-732 e SMR-733.

Situación: concello de Ferrol.

Características técnicas:

Liña eléctrica de media tensión subterránea, CT Caranza, nº 17-CT Esteiro, nº 11, a 15/20 kV, cunha lonxitude de 0,950 km, con orixe na cela de liña existente no CT Caranza, nº 17 (expediente 27640) condutor tipo RHZ1, e final en empalmes proxectados na LMTS SMR-733, tramo a CT Esteiro, nº 11 (expediente 50401).

Liña eléctrica de media tensión subterránea, CT vivendas Bazán entre CT Sartaña e CS Auditorio, a 15/20 kV, cunha lonxitude de 0,025 km, con orixe na cela de liña existente no CT vivendas Bazán (expediente 50401) condutor tipo RHZ1, e final nos empalmes proxectados na LMTS SMR-732, tramo a CT Sartaña (expediente 30262) e CS Auditorio (expediente 26/11).

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 3 de agosto de 2012

Susana Vázquez Romero
Xefa territorial da Coruña