A Xunta de Goberno local, na sesión ordinaria que tivo lugar o 21 de xuño de 2012, adoptou entre outros o seguinte acordo:

a) Aprobar inicialmente o estudo de detalle do polígono 29 do Plan xeral, promovido por Santiago e Purificación Vázquez Costoya.

O documento que se somete a aprobación é o estudo de detalle presentado o 31 de outubro de 2011 cos planos ED1 a ED11, ao que se engadirán o plano parcelario ED3 e a nova memoria, presentados o 9 de maio de 2012, que substitúen os anteriores.

Non obstante, para os efectos da futura aprobación definitiva, debe requirirse para que durante o prazo de información pública presenten un documento reformado do estudo de detalle en que se eliminen, de acordo co sinalado, aquelas mencións ou imaxes que exceden o obxecto propio dun estudo de detalle.

b) Apertura dunha fase de investigación do ámbito para efectos de requirir a documentación precisa e previa á execución do polígono.

c) Someter o expediente a información pública durante o prazo de 20 días, con citación persoal dos propietarios afectados e publicación de anuncios no Diario Oficial de Galicia e nun xornal de circulación na provincia.

Durante o trámite de información pública requirirase os propietarios afectados co fin de que acheguen a documentación que posúan para acreditar o seu dereito sobre os predios afectados, e declaren cantas situacións xurídicas (cargas, servidumes, arrendamentos, usufrutos e outros dereitos limitativos de dominio) puideran afectar aqueles.

Durante este trámite solicitarase o informe sectorial de Augas de Galicia.

De conformidade co disposto no artigo 86.2 da Lei 9/2002, do 30 de decembro, de ordenación urbanística e protección do medio rural de Galicia (LOUG), o citado expediente sométese a información pública, polo prazo de vinte días, contado a partir do día seguinte ao da publicación deste anuncio no Diario Oficial de Galicia. Durante este prazo, os interesados poderán consultar o expediente no Servizo de Planeamento e Xestión e formular por escrito as alegacións que xulguen oportunas.

Advírtese que, de non constar acreditada a titularidade dos predios afectados, estes consideraranse de titular descoñecido, e as actuacións posteriores entenderanse coa Delegación de Economía e Facenda.

Santiago de Compostela, 2 de xullo de 2012

Ángel Currás Fernández
Alcalde