Para os efectos previstos na Lei 54/1997, do 27 de novembro, e no Real decreto 1955/2000, do 1 de decembro, sométese a información pública a petición de autorización da instalación eléctrica que se cita:

Solicitante: Concello da Pastoriza.

Domicilio social: praza de Galicia, 1, 27287 A Pastoriza.

Denominación: LMTS e CS para centro deportivo e piscina en avenida Doctor Constantino Cabaneiro.

Situación: concello da Pastoriza.

Características técnicas: LMTS a 20 kV consistente en anelar o CS Piscinas (proxectado) entre o CT A Pastoriza (4784) e o CT parque empresarial (14100), cunha lonxitude de 220 metros de condutor proxectado tipo RHZ-150.

CS Piscinas en edificio prefabricado tipo PF-15, no cal se instalan dúas celas de liña e unha de protección con fusibles.

Todas aquelas persoas ou entidades que se consideren afectadas poderán presentar as súas alegacións, nesta xefatura territorial, no prazo de vinte días.

Lugo, 30 de xullo de 2012

José Manuel Vázquez Leirado
Xefe territorial de Lugo