Pablo López Villarino solicitou neste concello licenza para a construción de nave gandeira na parroquia de Rebordaos.

De conformidade co disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, sométese a información pública por un período de 20 días mediante anuncio no BOP de Lugo, no DOG e no taboleiro de edictos do concello, para que os interesados poidan examinar o expediente na Secretaría do concello das 9 ás 14 horas, de luns a venres e, de ser o caso, formular os reparos ou observacións que consideren oportunos.

Este anuncio servirá de notificación, ao abeiro do artigo 59.5º da Lei 30/1992, a todos aqueles que sexan descoñecidos ou se ignore o seu paradoiro, ou ben, intentada a notificación, non se puidese practicar.

Castroverde, 20 de agosto de 2012

Xosé María Arias Fernández
Alcalde