Ao abeiro do establecido na Lei 16/1987, do 30 de xullo, de ordenación dos transportes terrestres, e no seu regulamento de execución, aprobado polo Real decreto 1211/1990, do 28 de setembro, tramítase o expediente de ampliación de tráficos Santiago-Aeroporto da Lavacolla, na concesión de servizo público regular permanente de uso xeral de transporte de viaxeiros por estrada V-7059;XG-433, A Coruña-Santiago de Compostela-Pontevedra-Vigo, con anexos, da empresa Castromil, S.A.
Os interesados ou afectados no expediente poderán comparecer no procedemento e, tras o exame da documentación pertinente no Servizo de Mobilidade da Coruña (rúa Alcalde Pérez Arda, 4) efectuar as alegacións que consideren oportunas no prazo de quince días, contados a partir do día seguinte ao da publicación deste anuncio no Diario Oficial de Galicia.
A Coruña, 18 de xullo de 2012
César Concheiro Ceide
Xefe do Servizo de Mobilidade da Xefatura Territorial da Coruña