Por Orde da Consellería de Facenda do 27 de xuño de 2012 (DOG núm. 126, do 3 de xullo), convocouse concurso para a provisión de postos de traballo vacantes do corpo de xestión da Xunta de Galicia, escala de inspectoras e inspectores de consumo e do corpo administrativo da Xunta de Galicia, escala de subinspectoras e subinspectores de consumo.

Transcorrido o prazo de presentación das solicitudes de participación no concurso sen que ningún/ningunha funcionario das ditas escalas presentase solicitude de participación, esta consellería, en uso da competencia atribuídas polo artigo 14.2.6 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia e de conformidade coa base VII.5 da convocatoria,

DISPÓN:

Único. Resolver o concurso para a provisión de postos de traballo vacantes, declarando desertos os postos de traballo ofertados na convocatoria por falta de solicitudes.

Contra esta orde, que pon fin á vía administrativa, poderase interpoñer recurso potestativo de reposición ante esta mesma consellería, no prazo dun mes que se contará desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común ou, directamente, recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses que se contará desde a mesma data, de conformidade co establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 27 de xullo de 2012

Elena Muñoz Fonteriz
Conselleira de Facenda