Ao abeiro da Instrucción 2/2011, do 12 de abril, para a aplicación da disposición transitoria terceira da Lei 2/2010, do 25 de marzo, de medidas urxentes de modificación da Lei 9/2002, do 30 de decembro, de ordenación urbanística e protección do medio rural de Galicia, tramítase por instancia de Dolores Pena Cambón, a declaración de incursión na situación legal de fóra de ordenación total da construcción dedicada a taller e garaxe de maquinaria, amoreamento de materiais de construción, reciclaxe de residuos de construción e demolición e despezamento de vehículos, sitas en avda. Fisterra, s/n, San Roque, Traba (Coristanco), de acordo co proxecto presentado de recoñecemento de actividade para taller e garaxe de maquinaria, amoreamento de materiais de construción, reciclaxe de residuos de construción e demolición e despezamento de vehículos, e cumprindo o preceptuado no artigo 8.3 do Decreto 133/2008, do 12 de xuño, de avaliación da incidencia ambiental, en relación co artigo 86 da Lei 30/1992, de bases do réxime xurídico das administracións públicas e do procedimento administrativo común, ábrese un período de información pública por prazo de vinte días, contados a partir do seguinte ao da inserción do anuncio no Diario Oficial de Galicia e no Boletín Oficial da provincia, para que os que se consideren afectados dalgunha maneira pola actividade que se pretende establecer, poidan facer as observacións pertinentes.

O expediente atópase na Secretaría deste concello e pode consultarse nas horas de oficina.

Coristanco, 6 de agosto de 2012

Antonio Pensado Plágaro
Alcalde