A Dirección Xerencia do Hospital Comarcal de Monforte, en virtude das competencias atribuídas polo Decreto 311/2009, do 28 de maio, polo que se establece a estrutura orgánica do Servizo Galego de Saúde e a Orde do 15 de xuño de 2009, sobre delegación de competencias en órganos centrais e periféricos do Servizo Galego de Saúde, resolve proceder ao anuncio da convocatoria para vinculación temporal, mediante nomeamento de interinidade, dunha praza de facultativo especialista da Área de Obstetricia e Xinecoloxía.

A citada resolución estará exposta nos taboleiros de anuncios do Hospital Comarcal de Monforte e na páxina web do Servizo Galego de Saúde (www.sergas.es).

O prazo de presentación de solicitudes será de quince días naturais contados desde o seguinte ao da publicación desta convocatoria no Diario Oficial de Galicia. As solicitudes, que deberán dirixirse á Dirección Xerencia do Hospital Comarcal de Monforte, rúa Corredoira, s/n, 27400 Monforte de Lemos (Lugo), poderán ser presentadas a través de calquera dos procedementos previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Monforte de Lemos, 19 de xullo de 2012

Benigno Pérez Martínez
Director xerente do Hospital Comarcal de Monforte