De acordo co establecido nas bases dos procedementos de traslados internos, dentro das institucións sanitarias de atención especializada do Servizo Galego de Saúde, aprobadas pola Administración e as organizacións sindicais con representación na Mesa Sectorial do Servizo Galego de Saúde, con data do 23 de decembro de 2009, e tras as negociacións mantidas coas seccións sindicais do Complexo Hospitalario Universitario A Coruña que deron como resultado a sinatura da presente convocatoria do 13 de xullo de 2012,

RESOLVO:

Anunciar a convocatoria do procedemento de mobilidade interna do persoal estatutario fixo nas categorías de persoal sanitario diplomado, sanitario de formación profesional e de persoal de xestión e servizos do Complexo Hospitalario Universitario A Coruña.

As bases íntegras da citada convocatoria estarán expostas nos taboleiros de anuncios do complexo hospitalario.

As solicitudes e a documentación anexa que conteña a xustificación dos requisitos e méritos alegados deberán presentarse no rexistro do complexo hospitalario dentro do prazo que comezará ao día seguinte da publicación do presente anuncio no Diario Oficial de Galicia e rematará o día 30 de setembro de 2012.

Así mesmo, poderán presentarse a través de calquera dos rexistros previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Contra esta resolución e as bases do procedemento poderá interpoñerse recurso de alzada ante a Dirección de Recursos Humanos do Servizo Galego de Saúde, no prazo dun mes, contado a partir do día seguinte ao da súa publicación nos termos dos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro.

A Coruña, 18 de xullo de 2012

Alfredo García Iglesias
Xerente de Xestión integrada da Coruña