A instalación denominada LAT 132 kV O Porriño-Freiría II, repotenciación a 220 kV tramo subestación Atios apoio 12, no concello do Porriño, foi declarada de utilidade pública mediante 7 de febreiro de 2012, da Dirección Xeral de Industria, Enerxía e Minas, o que leva implícita a urxente ocupación dos bens e dereitos afectados, tendo a condición de beneficiaria a empresa Unión Fenosa Distribución, S.A.

Segundo o disposto no artigo 52 de Lei de expropiación forzosa e no artigo 54.1 da Lei 54/1997, do 27 de novembro, do sector eléctrico, comunícase que o día 21 de agosto de 2012, a partir das 10.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do concello do Porriño.

Os interesados recibirán unha notificación individual coa debida anticipación legal, na cal se lle comunicará a data e a hora en que deberán presentarse nas súas leiras, e infórmase de que poderán ir acompañados por un perito ou un notario, pola súa conta, se así o consideran conveniente.

Esta publicación servirá de comunicación para os titulares daqueles predios que figuran como descoñecidos ou cando se ignore o lugar de notificación, de acordo co establecido no artigo 59.4 da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Vigo, 16 de xullo de 2012

Ignacio Rial Santomé
Xefe territorial de Pontevedra

ANEXO

LAT 132 kV O Porriño-Freiría II, repotenciación a 220 kV tramo subestación Atios-apoio 12