De conformidade co disposto no artigo 13 do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, e no artigo 25 da Lei 10/1995, do 23 de novembro, de ordenación do territorio de Galicia, faise público o Acordo do Consello da Xunta de Galicia do 12 de xullo de 2012 polo que se declara de incidencia supramunicipal o Plan sectorial de implantación e desenvolvemento das infraestruturas da Administración xeral e do sector público autonómico de Galicia xestionadas por Retegal que literalmente di:
«Declarar o Plan sectorial de implantación e desenvolvemento das infraestruturas da Administración xeral e do sector público autonómico de Galicia, xestionadas por Retegal, como de incidencia supramunicipal para os efectos previstos pola Lei 10/1995, do 23 de novembro, de ordenación do territorio de Galicia e polo Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal».
Así mesmo, en cumprimento do establecido nas directrices de ordenación do territorio aprobadas definitivamente polo Consello da Xunta de Galicia mediante Decreto 9/2011, do 10 de febreiro; no artigo 25 da Lei 10/1995, do 23 de novembro, de ordenación do territorio de Galicia; nos artigos 6 e 13 do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal; na Lei 9/2006, do 28 de abril, sobre avaliación dos efectos de determinados plans e programas no ambiente; e na Lei 6/2007, do 11 de maio, de medidas urxentes en materia de ordenación do territorio e do litoral de Galicia, sométense a información pública e consultas, durante o prazo de dous meses contados a partir da publicación deste anuncio no Diario Oficial de Galicia, o Plan sectorial de implantación e desenvolvemento das infraestruturas da Administración xeral e do sector público autonómico de Galicia xestionadas por Retegal e o correspondente informe de sustentabilidade ambiental.
Durante o prazo referido calquera persoa poderá examinar a documentación en horario de oficina nas dependencias da Axencia para a Modernización Tecnolóxica de Galicia (Amtega) –sitas no Edificio Administrativo de San Caetano– e presentar ante o citado organismo as alegacións, documentos e xustificacións que considere pertinentes. Así mesmo, a documentación poderá consultarse na páxina web da Amtega: http://imit.xunta.es
Este anuncio publicarase nun dos xornais de maior circulación na Comunidade Autónoma e darase audiencia aos concellos e organismos afectados.
Santiago de Compostela, 24 de xullo de 2012
María del Mar Pereira Álvarez
Directora da Axencia para a Modernización Tecnolóxica de Galicia
