A Dirección Xeral da Función Pública recibiu da Sala do Contencioso-Administrativo do Tribunal Superior de Xustiza de Galicia providencia pola que se admite a trámite o recurso contencioso-administrativo P.O. 782/2011, interposto polo Colexio Oficial de Biólogos, contra a Resolución do 22 de xullo de 2011, pola que se ordena a publicación do Acordo do Consello da Xunta de Galicia do 21 de xullo de 2011, que aproba a relación de postos de traballo das consellerías do Mar, Medio Rural e Sanidade con respecto aos servizos de veterinarios (DOG nº 141, do 22 de xullo).
En consecuencia, esta dirección xeral acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que se notifica para xeral coñecemento de todas as persoas interesadas no procedemento e se emprazan para que poidan comparecer como parte nos autos na Sala do Contencioso-Administrativo do Tribunal Superior de Xustiza de Galicia no prazo de 9 (nove) días, contado desde o seguinte ao da publicación desta resolución no Diario Oficial de Galicia.
Santiago de Compostela, 16 de xullo de 2012
José María Barreiro Díaz
Director xeral da Función Pública