Para os efectos do previsto no artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público (TRLCSP), esta consellería dálle publicidade á formalización do contrato de servizo consistente no mantemento evolutivo e correctivo do sistema de información para a adaptación á Directiva de Servizos de Industria e na análise, deseño e no desenvolvemento dun módulo de automatización das inspeccións dos organismos de control autorizados en materia de seguridade industrial (OCA).

1. Entidade adxudicadora.

a) Organismo: Consellería de Economía e Industria.

b) Dependencia que tramita o expediente: Secretaría Xeral Técnica.

c) Número de expediente: 01/12 DXI.

d) Enderezo da internet do perfil do contratante: economiaeindustria.xunta.es

2. Obxecto do contrato.

a) Tipo de contrato: servizos.

b) Descrición do obxecto: o desenvolvemento dun módulo de automatización das inspeccións dos organismos de control autorizados en materia de seguridade industrial (OCA) e o mantemento evolutivo e correctivo do sistema de información para a adaptación á Directiva de Servizos da Dirección Xeral de Industria, Enerxía e Minas, incluído o módulo que se desenvolverá desde o momento en que estea creado.

c) Medio de publicación do anuncio de licitación: Diario Oficial de Galicia.

d) Data de publicación do anuncio de licitación: DOG nº 89, do 10 de maio de 2012.

3. Tramitación e procedemento.

a) Tramitación: ordinaria .

b) Procedemento: aberto.

4. Valor estimado do contrato: 130.800 euros.

5. Orzamento base de licitación: importe neto: 130.800 euros. Importe total: 154.344 euros.

6. Formalización do contrato.

a) Data de adxudicación: 29 de xuño de 2012.

b) Data de formalización do contrato: 29 de xuño de 2012.

c) Contratista: Indra Sistemas, S.A.

d) Importe de adxudicación. Importe neto 124.260 euros. Importe total 146.626,80 euros.

e) Vantaxes da oferta adxudicataria: propostas metodolóxicas, plan de evolución do sistema e deseño dun módulo de OCA adecuadas ás necesidades do servizo obxecto do contrato. Oferta económica de 124.260 euros, sen IVE. Catro (4) procedementos adicionais, ampliación do prazo de execución do mantemento correctivo e evolutivo en dous (2) meses e aumento do horario de atención aos usuarios das 16.00 ás 19.00 horas.

Santiago de Compostela, 9 de xullo de 2012

P.D. (Orde 30.4.2009, DOG nº 87)
Borja Verea Fraiz
Secretario xeral técnico da Consellería de Economía e Industria