De acordo coa Lei 11/2008, do 3 de decembro, de pesca de Galicia (DOG do 16 de decembro), modificada pola Lei 6/2009, do 11 de decembro (DOG do 15 de decembro), e co Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre, faise público que mediante Resolución do 28 de xuño de 2012, da Consellería do Medio Rural e do Mar, outorgouse permiso de actividade para a posta en funcionamento e explotación do establecemento de cultivos mariños que se indica:
Data da resolución de outorgamento: 28.6.2012.
Titular: Algafres, S.L. (CIF B70233903).
Tipo: granxa mariña.
Actividade: cultivo intensivo de macroalgas mariñas de interese industrial.
Especies: kombu de azucre (Saccharina latissima).
Localización: porto de Sada (A Coruña).
Contra a resolución de outorgamento citada, que esgota a vía administrativa, poderase interpoñer recurso potestativo de reposición, perante esta consellería, no prazo dun mes contado a partir do día seguinte ao da súa notificación, de conformidade co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente, recurso contencioso-administrativo, no prazo de dous meses desde a mesma data, perante o xulgado do contencioso-administrativo competente, segundo o establecido nos artigos 8 e 14 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 28 de xuño de 2012
Juan Carlos Maneiro Cadillo
Secretario xeral do Mar