Nesta dirección recibiuse escrito da secretaria xudicial da Sección 2ª da Sala do Contencioso-Administrativo do Tribunal Superior de Xustiza de Galicia, interposto polo Concello de Pontevedra, contra a Resolución do 17 de febreiro de 2012, da Dirección de Recursos Económicos do Servizo Galego de Saúde, pola que se fai pública a aprobación definitiva do proxecto sectorial de incidencia supramunicipal para o novo hospital de Pontevedra, aprobado mediante Acordo do Consello da Xunta de Galicia do 16 de febreiro de 2012 (publicada no DOG número 54, do 16 de marzo).

Para os efectos de cumprir o solicitado no devandito escrito, faise constar que o expediente xa foi remitido por esta dirección á Sección 2ª da Sala do Contencioso-Administrativo do Tribunal Superior de Xustiza de Galicia o 22 de xuño de 2012.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como demandadas nos autos no prazo de nove (9) días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 25 de xuño de 2012

Pablo Torres Arrojo
Director de Recursos Económicos