Despois de intentar notificarlle a Esmader Madera, S.L. no enderezo que consta no expediente (rúa Ribadeo, 18, entresollado, 27002 Lugo) a resolución do director xeral de Agader do 7 de xuño de 2012, sobre o inicio do procedemento de reintegro do expediente D07-31210-0285, e sendo devolta polo servizo de Correos, publícase este anuncio para cumprir o establecido no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común.
En consecuencia, notifícaselle que, de conformidade coa resolución citada, se inicia o procedemento para que Esmader Madera, S.L. reintegre a cantidade que percibiu indebidamente para o proxecto D07-31210-0285 por importe de 64.000 €.
Así mesmo, notifícaselle que a interesada dispón de quince (15) días hábiles, contados desde o seguinte a aquel en que se publique este anuncio no Diario Oficial de Galicia, para presentar as alegacións ou documentos que xulgue oportunos e que a resolución citada está á súa disposición na Axencia Galega de Desenvolvemento Rural-Agader (A Barcia, 56, Laraño. 15897 Santiago de Compostela).
Santiago de Compostela, 26 de xuño de 2012
Antonio Crespo Iglesias
Director xeral de Axencia Galega de Desenvolvemento Rural