José Antonio Taboada López solicitou licenza municipal para a construción de dous silos forraxeiros que se situarán no polígono 94, parcela 5, no Gorgozo-Xuvencos.
En cumprimento do disposto no Decreto 133/2008, do 12 de xuño, polo que se regula a avaliación de incidencia ambiental, sométese á información pública por un prazo de vinte días hábiles –que comezará a contar desde o día seguinte ao da inserción do presente edicto no Boletín Oficial da provincia e no Diario Oficial de Galicia– para que todas as persoas que se encontren afectadas poidan examinar o expediente na Secretaría deste concello e formular por escrito as reclamacións ou observacións que coiden oportunas.
Este anuncio servirá de notificación a todos aqueles lindeiros a quen non se puider practicar a notificación, de conformidade co disposto no artigo 59.5 da Lei 30/1992, do 26 de novembro.
O Saviñao, 15 de xuño de 2012
Joaquín González González
Alcalde