O Pleno na sesión que tivo lugar o día 20 de xuño de 2012 adoptou, entre outros, co quórum da maioría absoluta legal, o seguinte acordo:

«2. Aprobación, se procede, sobre cambio de uso de terreos reservados para equipamentos públicos por outro uso dotacional público distinto. (...).

Primeiro. Acordar, ao abeiro do previsto no artigo 47 da Lei 9/2002, do 30 de decembro, de ordenación urbanística e protección do medio rural de Galicia, o cambio de uso de asistencial polo sanitario do predio que se pretender ceder ao Servizo Galego de Saúde gratuitamente para a construción dun centro de saúde e cuxa descrición é a seguinte: «predio inscrito en primeira inscrición co número 21.403, que se forma por división material do predio 4155, no tomo 780, libro 145, folla 143, do Rexistro da Propiedade de Arzúa, e cuxa descrición é a seguinte situada na parroquia municipio de Melide: «a) Parcela: tres. Urbana, de forma rectangular e con acceso a través da rúa Ourense. Ten unha superficie aproximada de tres mil seiscentos sesenta e sete metros cadrados (3.667 m2). (…) Destinada a residencia extensiva vivenda unifamiliar de solo urbano. (…). Posúe a referencia catastral 0410504NH8501S0001FM.

Segundo. Con este novo uso deberá garantirse, igualmente, o aparcamento dentro da parcela (…).

O que se somete a información pública no Diario Oficial de Galicia e no BOP, facendo constar que o expediente foi remitido no día de hoxe á Consellería de Medio Ambiente, Territorio e Infraestruturas.

Melide, 20 de xuño de 2012

María Ángeles Vázquez Mejuto
Alcaldesa