Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 665/2010 deste xulgado do social, seguido por instancia de José Antonio Bello Doldan contra a empresa Hormigones Carballo, S.L., sobre ordinario, ditouse a seguinte resolución:

«A Coruña o doce de xuño de dous mil doce.

Carlos Villarino Moure, maxistrado-xuíz do Xulgado do Social número 3 da Coruña, tras ver os presentes autos sobre ordinario entre partes, dunha e como demandante José Antonio Bello Doldan, que comparece asistido pola letrada Gloria Galán Trillo, e doutra como demandada a empresa Hormigones Carballo, S.L., que non comparece malia estar citada en legal forma.

Decido que, estimando a demanda formulada por José Antonio Bello Doldan contra a empresa Hormigones Carballo, S.L., condeno esta a aboarlle a cantidade de 14.273,38 euros, que lle debe en concepto de salarios e demais conceptos cos xuros conforme o artigo 29.3 ET.

Notifíquese esta sentenza ás partes advertindo que contra ela poderán interpoñer recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito neste xulgado dentro dos cinco días seguintes á notificación desta sentenza, ou por simple manifestación no momento en que se lle practique a notificación. Advírtase igualmente ao recorrente que non sexa traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en Banesto (0030.1846) a nome deste xulgado co número 1533.0000.36.0665.10, acreditando mediante a presentación do xustificante de ingreso no período comprendido ata a formalización do recurso, así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado, co número 1533.0000.60.0665.10, a cantidade obxecto de condena, ou formalizar aval bancario pola devandita cantidade en que se faga constar a responsabilidade solidaria do avalista, incorporándoos a este xulgado co anuncio de recurso. En todo caso, o recorrente deberá designar letrado para a tramitación do recurso, no momento de anuncialo.

Así por esta a miña sentenza, definitivamente xulgando, pronúncioo, mándoo e asínoo.

Publicación. A anterior sentenza foi lida e publicada polo maxistrado que a ditou, estando celebrando audiencia pública no día da data, do que dou fe».

E para que sirva de notificación en legal forma a Hormigones Carballo, S.L., expido o presente para a súa inserción no Diario Oficial de Galicia.

A Coruña, 20 de xuño de 2012

O secretario xudicial