O Consello da Xerencia Municipal de Urbanismo do Concello de Vigo, en sesión ordinaria do día 18 de maio de 2012, adoptou o seguinte acordo:
«Primeiro. En atención aos informes favorables que constan no expediente, aprobar o texto do convenio de colaboración entre o Concello de Vigo, Xerencia Municipal de Urbanismo, e a Universidade de Vigo para a cesión dos terreos municipais resultantes da execución da primeira fase do proxecto expropiatorio para a ampliación da cidade universitaria.
Segundo. Notificar este acordo á Universidade de Vigo, ordenar a súa publicación na páxina web municipal xunto co texto do convenio aprobado, que se insire a continuación, e dispor a publicación da aprobación do convenio mediante anuncio no Diario Oficial de Galicia, con expresa mención á dispoñibilidade do texto íntegro do convenio na páxina web municipal».
Vigo, 8 de xuño de 2012
María del Carmen Silva Rego
Concelleira delega da Área de Urbanismo, Cascos Históricos
e Grandes Proxectos