A Dirección de Galaria, de conformidade co establecido na Lei 16/2010, do 17 de decembro, de organización e funcionamento da Administración xeral e do sector público autónomico de Galicia, e co establecido no artigo 12 do convenio colectivo para o persoal laboral do sector sanitario de Galicia xestionado por fundacións públicas sanitarias ou empresas públicas, e en virtude das atribucións que en materia de selección e contratación de persoal lle son conferidas polos estatutos, resolve proceder ao anuncio da convocatoria para a confección dunha lista de contratación temporal de especialistas en radiofarmacia para a Unidade de Radiofármacos PET Galicia.

O prazo de presentación de solicitudes será de 15 días naturais contados desde o seguinte á data da publicación do anuncio da presente convocatoria no Diario Oficial de Galicia.

Os interesados en participar na convocatoria deberán de presentar a solicitude, segundo o modelo de instancia do anexo I (á súa disposición na páxina web: www.sergas.es) no Rexistro de Galaria, sito no Servizo Galego de Saúde, edificio administrativo San Lázaro, 3º andar (15703 Santiago de Compostela), das 9.00 ás 14.00 horas.

Santiago de Compostela, 15 de xuño de 2012

María Luisa Brandt Sanz
Directora xerente de Galaria, Empresa Pública de Servizos Sanitarios, S.A.