Visto o artigo 5, punto 7, do Decreto 442/1990, do 13 de setembro (DOG nº 188, do 25 de setembro), de avaliación de impacto ambiental para Galicia, o xefe territorial da Consellería de Economía e Industria en Lugo
RESOLVE:
Darlle publicidade á Resolución do 30 de marzo de 2012, da Secretaría Xeral de Calidade e Avaliación Ambiental, pola que se formula a declaración de impacto ambiental do proxecto de explotación da concesión derivada do permiso de investigación Hilda, nº 5883, situada en terreos do concello de Mondoñedo (Lugo), promovido por Construcciones Isidro Otero, S.L.
A dita resolución, que se refire a unha superficie de 9,53 ha cunha designación en coordenadas UTM x=635960.03 e y=4813782.71 aproximadamente, incorpórase ao expediente e atópase á disposición de calquera interesado nesta xefatura territorial (rolda da Muralla, 70, 27071 Lugo) así como no enderezo: http://medioambiente.xunta.es
Lugo, 15 de maio de 2012
José Manuel Vázquez Leirado
Xefe territorial de Lugo