A Orde do 23 de decembro de 2011 (publicada no DOG do 29 de decembro) modifica as bases reguladoras das axudas para os investimentos en transformación e comercialización de produtos agrarios e forestais do período 2007-2013, e convoca as cofinanciadas polo Feader para o exercicio orzamentario de 2012.
No seu artigo 8. Financiamento, relativo ao financiamento destas axudas, detállanse as aplicacións orzamentarias e o importe económico previsto para elas, así como a posibilidade de incrementar as cantidades fixadas anteriormente con remanentes adicionais, tal como permite o artigo 30 do Decreto 11/2009, do 8 de xaneiro, polo que se aproba o regulamento da Lei 9/2007, do 13 de xuño, de subvencións de Galicia.
Á vista do elevado número de solicitudes e do investimento presentado, considérase necesario ampliar a dotación orzamentaria inicialmente consignada.
En consecuencia, de acordo co disposto no artigo 30.I.3º do Estatuto de autonomía de Galicia e no uso das facultades que me confire a Lei 9/2007, do 13 de xuño, de subvencións de Galicia,
DISPOÑO:
Artigo único
Amplíase a dotación orzamentaria que se establece na Orde do 23 de decembro de 2011 pola que se modifican as bases reguladoras das axudas para os investimentos en transformación e comercialización de produtos agrarios e forestais do período 2007-2013, e se convocan as cofinanciadas polo Feader para o exercicio orzamentario de 2012, nos seguintes importes e nas aplicacións dos orzamentos da Comunidade Autónoma de Galicia para 2012:
Partida orzamentaria |
Código de proxecto |
Importe (€) |
16.20.741A-770.0 |
200700448 |
3.385.902 |
16.20.741A-770.0 |
201100798 |
41.277 |
16.20.741A-770.0 |
201200732 |
410.667 |
16.20.741A-770.0 |
201100769 |
386.861 |
16.20.713D-770.0 |
201100767 |
409.570 |
Disposición adicional única
Esta ampliación orzamentaria non afecta o prazo que se establece para a presentación de solicitudes de axuda na devandita Orde do 23 de decembro de 2011.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 14 de xuño de 2012
Rosa Mª Quintana Carballo
Conselleira do Medio Rural e do Mar