Intentada a notificación das ditas resolucións segundo o disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e segundo o disposto no número 5 do referido artigo e o establecido no artigo 61 do mesmo texto legal, notifícaselle a interesada o contido da resolución que figuran como anexo, para que poida ter coñecemento dela.

Así mesmo, fáiselle saber o dereito que a asiste para poder realizar as alegacións e presentar documentación que estime oportuna, entre a cal debe constar unha relación da variación de altas e baixas do persoal adscrito, no prazo de quince días, que comezará a contar a partir do día seguinte ao desta publicación.

Á vista das alegacións e da documentación achegada, ou transcorrido o prazo concedido para o efecto, ditarase a resolución que lle corresponda respecto ao reintegro da subvención concedida.

Lémbraselle tamén o seu dereito a consultar o expediente, depositado nas dependencias desta xefatura territorial, sitas na rúa Salvador de Madariaga, nº 9-1º, na Coruña, e a obter, se é o caso, copia da resolución, segundo o previsto na letra a) do artigo 35 da Lei 30/1992, do 26 de novembro.

A Coruña, 29 de maio de 2012

Luis Alberto Álvarez Freijido
Xefe territorial da Coruña

ANEXO

Nº de expediente: TR347D 2006/27-1.

Nome ou razón social: Areahipotecaria, S.L.

DNI/NIF: B70029178.

Último enderezo coñecido: avda. Fernández Latorre, 5-9 1º, ofic. 5, 15006 A Coruña.

Tipo de axuda: contratación por conta allea para favorecer a inserción de mozos e mozas menores de 30 anos.

Contido da resolución: acordo da procedencia de reintegro.