O Servizo Provincial de Conservación da Natureza da Coruña iniciou o expediente para a creación do couto de pesca de Vimianzo coas seguintes características:
Ríos: Grande e Cambeda.
Concello afectado: Vimianzo.
– Tramo I (río Cambeda).
Límite superior: ponte da estrada AC-432 (A Ponterroda).
Límite inferior: confluencia co río Grande.
Lonxitude total do tramo: 2,42 km.
Categoría: 3ª troita.
Nº de permisos: 4 en laborables, sábados, domingos e festivos.
Cotas, tamaño e temporada: 6 troitas por pescador e día. Tamaño 19 cm. Temporada: a establecida na orde anual de pesca.
– Tramo II (río Grande).
Límite superior: minicentral de Gaioso.
Límite inferior: presa da Furaqueira.
Lonxitude total do tramo: 4,23 km.
Categoría: sen morte.
Nº de permisos: 6 en laborables; 8 sábados, domingos e festivos.
Temporada: a establecida na orde de vedas para a pesca sen morte.
O que se fai público para xeral coñecemento, e sinálase o prazo de vinte días contados a partir do día seguinte ao da publicación deste anuncio, para que as entidades e persoas que se consideren afectadas poidan examinar o procedemento nas oficinas desta xefatura (Servizo Provincial de Conservación da Natureza), edificio administrativo Monelos, r/ Vicente Ferrer, 2, 5ª planta, A Coruña, e informarse sobre as características da creación do couto de pesca e presentar durante o mesmo prazo as alegacións que poidan considerar convenientes ao respecto, de conformidade o previsto no artigo 15 do Decreto 130/1997, do 14 de maio, polo que se aproba o Regulamento de ordenación da pesca fluvial e dos ecosistemas acuáticos continentais (DOG número 106, do 4 de xuño de 1997).
A Coruña, 11 de maio de 2012
José Antonio Álvarez Vidal
Xefe territorial da Coruña