Manuel Caneda Raviña, en representación de SAT Candesa, solicitou licenza de actividade para a instalación dunha explotación de 115 cabezas de gando vacún leiteiro, no lugar de Albela de Arriba, da concentración parcelaria de Lamas-Vigo (expediente 12/1397).

De conformidade co establecido no artigo 8.3 do Decreto 133/2008, do 12 de xuño, no que se regula a avaliación de incidencia ambiental, sométese a información pública polo período de vinte días hábiles, que comezará a contar desde o día seguinte ao da inserción deste edicto no Boletín Oficial da provincia e no Diario Oficial de Galicia.

Durante este tempo as persoas que dalgún xeito se consideren afectadas pola actividade que se pretende instalar poden examinar o expediente no departamento de urbanismo deste Concello, e formular por escrito as reclamacións ou observacións que coiden oportunas.

Boqueixón, 24 de maio de 2012

Jesús Sanjuás Mera
Alcalde en funcións