1. Aprobación do proxecto de convenio: sesión ordinaria do Concello Pleno do 4 de maio de 2012.
2. Data da sinatura do convenio: 9 de maio de 2012.
3. Asinantes: Confederación Hidrográfica do Miño-Sil, Augas de Galicia e Concello de Ourense.
4. Estrutura do convenio: oito expoñendos, nove estipulacións e un anexo que inclúe a acta de entrega e recepción das obras de mellora do saneamento en Ourense (1ª fase).
5. Encomenda de xestión: a Confederación Hidrográfica do Miño-Sil encomenda a xestión da explotación, mantemento e conservación das obras de infraestrutura de saneamento definidas no anexo I ao Concello de Ourense (colector-interceptor xeral do Río Barbaña e colectores xerais e interceptores da marxe esquerda do río Miño).
6. Entrada en vigor: o día seguinte ao da publicación deste anuncio no Diario Oficial de Galicia.
7. Prazo de vixencia: este convenio outórgase por tempo indefinido.
8. Causas de extinción do convenio:
– Revogación por motivos de interese xeral.
– Mutuo acordo das partes que o subscriben.
– Incumprimento de calquera das cláusulas respectivamente asumidas, logo de denuncia das partes, con aviso previo de seis meses.
9. Obtención de información:
Entidade: Concellaría de Urbanismo e Infraestruturas.
Enderezo: praza do Trigo nº 2-1º.
Localidade e código postal: Ourense, 32005.
Teléfono: 988 26 93 25.
Web do concello: www.ourense.es
10. Outras informacións: o texto íntegro do convenio atoparase exposto no taboleiro de edictos do Concello de Ourense, así como na web do concello durante o prazo dun mes a partir da publicación deste anuncio.
Ourense, 30 de maio de 2012
Francisco Rodríguez Fernández
Alcalde