Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición da autorización administrativa da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: recuamento L.M.T. As Rañas (3ª Ronda).

Situación: concello da Coruña.

Características técnicas: liña eléctrica de media tensión subterránea D.C. GN-712 a 132/15 kV, cunha lonxitude de 1,716 km, con orixe en cela de liña na subestación da Grela 2 (expediente 132/1999) condutor tipo R.H.Z.1-2OL-12/20 kV 3(1×240 Al e final nos pasos aerosubterráneos que se realizará no apoio nº 165 existente que se substituirá da L.M.T. GRN-712 Grela-Sabón (expediente 26554).

Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, situada no edificio administrativo de Monelos, rúa Vicente Ferrer, 2, 2º andar, 15071 A Coruña, no prazo de vinte días a partir da última publicación.

A Coruña, 15 de maio de 2012

Susana Vázquez Romero
Xefa territorial da Coruña