O artigo 11 da Lei 4/2006, do 30 de xuño, de transparencia e de boas prácticas na Administración pública galega (DOG nº 136, do 14 de xuño) impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para cumprir esa obriga, por medio desta resolución dáse publicidade da relación dos convenios subscritos pola Fundación Pública Escola Galega de Administración Sanitaria nos meses de xaneiro, febreiro, marzo e abril do ano 2012, que se incorpora como anexo a esta resolución.
Santiago de Compostela, 15 de maio de 2012
Pablo Galego Feal
Director da Escola Galega de Administración Sanitaria
ANEXO
Convenio |
Importe económico |
Data sinatura |
Convenio de colaboración entre a Consellería de Sanidade, o Servizo Galego de Saúde e a Fundación Pública Escola Galega de Administración Sanitaria, para o ano 2012. |
2.290.568,00 € |
10.1.2012 |
Convenio de colaboración entre a Escola Galega de Administración Pública e a Fundación Pública Escola Galega de Administración Sanitaria, para o desenvolvemento de actividades de formación, divulgación e investigación. |
Sen achega económica |
24.1.2012 |
Convenio de colaboración empresarial entre a Fundación Pública Escola Galega de Administración Sanitaria e Astellas Pharma, S.A. para a organización do Curso de xestión clínica, dentro do ámbito da Escola de Directivos Sanitarios de Galicia. |
7.000,00 € |
13.2.2012 |
Convenio de colaboración empresarial entre a Fundación Pública Escola Galega de Administración Sanitaria e Laboratorios Farmacéuticos Rovi, S.A. para a organización de actividades formativas de simulación médica avanzada. |
6.000,00 € |
16.2.2012 |