De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, despois de intentada a notificación persoal a través do Colexio Oficial de Enxeñeiros Técnicos Industriais de Ourense, notifícase a interposición dun recurso de alzada, para que o interesado que se sinala no anexo poida alegar o que xulgue oportuno en defensa dos seus intereses e presentar os documentos e xustificacións que considere pertinentes.
A presentación de alegacións efectuarase, se é o caso, ante calquera dos rexistros indicados no artigo 38 da devandita lei nun prazo de dez días hábiles contados a partir do día seguinte ao da publicación deste anuncio, e poderá recoller previamente unha copia do devandito recurso de alzada nas dependencias do Servizo Técnico-Xurídico da Consellería de Economía e Industria, con enderezo no edificio administrativo San Caetano, s/n, bloque 5º-4º andar, 15781 Santiago de Compostela.
Transcorrido o dito prazo sen ter efectuadas alegacións, a notificación entenderase producida desde o día seguinte ao do vencemento do prazo sinalado para presentalas.
Santiago de Compostela, 23 de maio de 2012
Borja Verea Fraiz
Secretario xeral técnico da Consellería de Economía e Industria
ANEXO
Expediente: 078-EOL (RAI-DXI-179/10).
Interesado: Juan Figueiredo Núñez.
Acto notificado: traslado de recurso de alzada recaído no expediente 078-EOL.